Txantxikuak Deustuko inguruak ezagutzen igaro genuen ekaineko lehen igandea. 17:00etan Done Petri plazan elkartu eta segidan frontoi atzean dagoen bidetik Berriz mendia igotzeari ekin genion. Eguzkia bizkarrean genuela, ordubetean goraino heltzea lortu genuen. Bilbo osoa erakusten ziguten bista ederrak disfrutatzeaz gain, argazki batzuk ateratzeko aukera ere izan genuen.
Ostean, Arangoiti eskolako patioan, zukuekin eta txokolatezko irabiakiekin prestatutako ginkanean jolastu ginen Deustura jaisteko ordua iritsi zen arte. Kanta kantari eta uztaileko udalekuen inguruan solasean, ia oharkabean, 19:30ak aldera Done Petri plazara heldu ginen. 
Nahiz eta ibilbidea laburra izan, ez ziren gutxi izan bertan bizitako abenturatxoak. Orain kurtsoa amaitzear dago eta udalekuak inoiz baino gogotsuago prestatzen ari gara!
Hurrengora arte Txantxikukide!!!! IKU IKU IKU TXANTXIKU!!!!
