Atzo goizean Mullerenea jasotzera joan eta, hara, kupela hartu eta hutsik zegoela ikusi nuen. 25 litro, bai, 25 litro sagardo edan genituen joan den larunbatean Mullereneara bertaratu ginenok. Jende ugari hurreratu zen Deustualdeko Txotx Egunera eta Mullerenea petatu genuen.

Bego Altuna txotxera ibili zen eta hauxe da Deustuko sagardo berria esan aurretik, performance txiki bat eskaini zigun. Hainbat kanta jo zituen eta ergatiboari egin zion kantarekin bukatu zuen emanaldia, non, argazkian ikusi bezala, filologoek koroak egin zituzten.

Eta sagardo, intxaurrak, menbriloa eta ogi artean eman genuen iluntza, azken txotxa 23:00ak aldera egin genuen arte. Arrakasta ikusita, batek jakin datorren urtean bat barik, bi kupela erosi beharko ditugun. Baina tira, hurrengo inauterietarako urtebete falta da, eta ortzemugan ditugu jaiak, txosna eta Errekaurti saria.

PD: Argazki guztiak