Txantxikutar gazteenak asteburu honetan izan zuten beraien lehenengo ekintza. Egun ezberdinetan eta ordu aldaketa tarteko, baina leku bera kasu bietan.

Larunbat arratsaldean LH3tik LH5ra bitartekoak izan ziren ikastolan jolas ezberdinak egiten, bomba, errelebo lasterketak, armiarma… den denak leher eginda bukatu genuen. LH5-ekoak beteranoak zirela nabaritu zen, beste bi kurtsoetakoentzat lehenengo ekintza baizen Txantxikun.

https://www.flickr.com/photos/44134674@N07/15457290468/

Igande arratsaldean aldiz, LH6, 1. eta 2.DBH-koen txanda izan zen. Hauetako asko aurreko urteetan gure artean egon diren arren, aurpegi berri mordoa egon ziren. Arratsaldearen lehenengo zatian elkar ezagutzeko jolasak izan ziren nagusi, amarauna sarea, pistoleroa… ondoren korrika egiteko tartea heldua zen baloi eseriarekin. Bukatzeko jadanik gaba zenean, egunkari gainean dantzan aritu ginen.

Hau hasiera besterik ez da izan, datorrenarekin alderatuta, zati txiki bat besterik ez. Izan ere pare bat aste barru, denok elkarrekin, Morgara joango gara asteburua pasatzera!

Hau ere kontatuko dizuegu.

Iku, iku… TXANTXIKU!