Hasi dira bidaiak. Joan den ostiralean Italian egon ginen, Erroman zein Trenton, Venezian zein Milanen. Begok eta Laurak ekarri ziguten Müllereneara Erromako kaosa, Trentoko lasaitasuna, mugimentu okuparen indarra edota Milango pizza zoragarriak. Labur egin zitzaigun.
Atzo Greziaren txanda Amaia Mintegiren eskutik heldu zen. Bi ibilbide egin genituen: Greziarako karabana eta Chios irla. Lehena, errefuxiatuen egoera salatzeko Ongi Etorri Errefuxiatuak Bizkaiak beste elkarteekin eginikoa eta bigarrena Zaporeakek errefuxiatuei jaten emateko egindakoa. Batean aldarrikapen politikoa eta bigarrenean zuzeneko elkartasuna, bietan errefuxiatuen egoera salatzea. Amaiak esan zigunez, oso egoera larrian daude eta Europako gobernuek egoera konpondu ezik, noraezean jarraituko dute. 
Ostiralean Bulgarian bukatuko dugu Bulgarian Iñigo Callejaren eskutik, zeinak Sofiara eroango gaituen. Hitzordua 19’30ean izango da Müllerenean. Ez ahaztu maleta!
PD: Italiako argazkiak berriz ikusteko sakatu hemen, berbaldienak ikusteko hemen.
