Martxoaren 6an Errigoraren kanpaina berria abian jarriko da Euskal Herrian. Proiektuak Nafarroako Erriberako nekazariari eta euskalgintzari laguntzen die. Batetik, nekazarien produktuak saltzen ditu proiektuak eta, bestetik, irabazien laurdena bertoko euskalgintzari ematen diote. Bi kanpaina egiten dira urtean: Gabonetakoa (saskiak) eta udaberrikoa (kontserbak eta olioa).

Horiek horrela, Berbaizu Euskara Elkarteak bere bazkideen eskaerak bideratzeko konpromisoa hartu du. Produktuak eskatzeko epea martxoaren 6tik 16ra arte zabalduko dugu eta telefonoz (94 447 10 42) zein emailez (berbaizu@euskalnet.net) egin dezakezue.

Animatu Erriberako nekazari eta euskaltzalei laguntzen!