Berbaizu Euskara Elkartea Deustualdeko euskara elkartea da.

2000. urtean jaio ginen eta gure hizkuntzaren biziberritze prozesua dinamizatzen dugu, sareak eratuz eta proiektuak bultzatuz. Euskararen normalizazioan erreferente izan nahi dugu berton eta euskaraz bizitzeko aukera izan dezagun, euskaldunak aktibatu eta trinkotu, hiztun berriak erakarri eta hizkuntza eskubideak aldarrikatu, exijitu eta borrokatuko ditugu. Gaur egun 260 bazkide gara eta euskararen erabilera sustatzea dugu eginkizun nagusia.

Horretarako hainbat ildo jorratzen ditugu:

Berbaizu Gazteak	Txantxiku Aisialdi Taldea, Deustualdeko Euskararen Unibertsoa eta Deustualdeko Ikastetxeak Arnasgune Bihurtzeko Bidean
Txokoa	Elorri bertso-eskola, Irakurleen Txokoa, Kantagintza edota Berbalagun taldeak
Komunikabideak	Prest! aldizkaria eta Uriola agerkaria
Jai Konpartsa
Euskararen Mahaiak
Partaide garen horiek	Euskaraldia, Bilboko Euskalgintza, Euskaltzaleen Topagunea…

Ramon y Cajal 42an dugu egoitza, Done Petri elizaren goiko kalean, Müller liburu denda zenaren ondoan. Bertan dago, hain zuzen, gure proiektu izarretako bat, Müllerenea, euskaraz bizitzeko dugun erabilera anitzeko espazioa, euskaldun guztion topagunea izatea helburuz, hain zuzen. Sarean ere aurkituko gaituzu, bai webgune honetan, bai sare-sozialetan.