Hiriko ikastetxeek gaur iluntzean Bilbora iritsiko den lasterketari ongietorria egiteko Korrika Txikiak egin dituzte auzoz auzo aste honetan. Gaur goizean Deustualdekoen txanda izan da, eta Botikazaharretik Levante plazaraino eraman dute ume eta gazteek euskararen lekukoa. Berbaizuk antolatzen duen Unibertsoaren proiektua izan da ekimen honen sustatzailea eta Berbaizuko langileek dinamizatuta Botikazar BHI, Deustuko Ikastola, Deustuko Eskola, La Salle ikastetxea, Arangoitiko Eskola, Ibarrekolanda BHI, San Inazio BHI eta San Inazio HLHIk elkarrekin antolatu dute, gazteen motibazioa piztea helburu zuen, ekimen hau.

S.D Deustok 2021ean euskara plan bat diseinatu zuen klubaren egunerokotasuna euskalduntzeko joateko asmoarekin, abiapuntu horretatik aurrera jarraitzen du klubak biharko prestatu duen dinamikarekin. Arratsaldeko 17:00etan, Etxezurin jokatuko den partiduan, bi protagonista nabarmenduko dira berdegunean: euskara eta baloia.

Berbaizu Euskara Elkartearekin sinatu duten lan hitzarmenaren ondorioz zenbait proiektu bideratzen hasi dira Deustun, besteak beste, Hitza Hartuz dinamika (gazteen ahozkotasuna partidu osteko elkarrizketekin lantzen duen proiektua), entrenatzaileentzako formazioak eta paisaia linguistikoaren lanketa.

Kirola euskalduntzeko beharra nabarmendu dute klubeko ordezkariek eta bide hori zabaltzeko ahaleginaren emaitza da biharko ekimena. Euskararen aldeko partidu honek, futbol zelaietan euskararen presentzia areagotzea du helburu nagusia, baina badu bigarren helburu garrantzitsu bat ere, herriko gazteek euskarazko erreferenteak edukitzea. Hau izan da S.D Deustok bere jokalarien gurasoei bidalitako gutuna:

Datozen hilabeteetan, auzoak kulturaz betetzeko asmotan, Berbaizu Euskara Elkarteak antolatutako ekitaldiek, bere estreinaldia edukiko dute otsailaren 17an Errondoko Auzo Etxean ospatuko den Bertso saioarekin. Udaberri Kulturala deitu duten ekimenak 10 ikuskizun barnebiltzen ditu eta 7 genero kultural desberdin uztartuko ditu: dantza, bertsolaritza, musika, literatura, zirkua, zinema eta antzerkia.

Programazioa otsailaren 17tik martxoaren 31ra arte luzatuko da, eta esan bezala, datorren astean emango dio hasiera Alaia Martinek, Amets Arzallusek eta Jone Uriak osatuko duten bertso saioarekin. Berbaizuko proiektuan uztarturik dagoen Elorri Bertso Eskolako kideak izango dira bertso saioko gai jartzaileak eta arduradunak.

Beraz, deustualdean bizi bazara edo inguruko herri edo auzoetan bizi bazara, aukera paregabea datorkizu Deustun euskarazko kulturaz gozatzeko. Adi egon hurrengo berriei (facebook, twiteer edo instagram) eta gozatu gurekin batera euskarazko eskaintza kulturalaz.

Hilaren 25ean, Berbaizu Euskara Elkarteak hilabetero egiten duen bazkide eta deustuarrentzako bilera irekian aurkezpen bat eta bi ekimenen berri emango dute. Koordinazio bileraren markoa aprobetxatuz datozen urteetan hizkuntza aniztasunari nola heldu diezaiokegun aurkeztuko digute Topaguneko lankideek. Euskal hirietan geroz eta handiagoa den kultura aniztasuna izpide, euskarak hartuko duen lekua eta kultur aniztasun horretan integratzeko bidea izango dute mintzagai. Aurkezpenak 45 minutu iraungo du.

Baina horrez gain, Berbaizuk hurrengo hilabeteetan egingo dituen eskaintza kulturalen aurkezpena egingo dute, guztira 6 eskaintza izango dira eta “Udaberri Kulturala” deituko da ekimena. Azkenik, barnera begira, martxan jarria duten bazkidetza kanpainaren berri emango dute eta Otsailaren 28an pasatuko den kuotaren berri emango dute.

Ospakizun xumea egin zuen Berbaizuk aurtengo abenduaren 3an, pandemia egoeraren joera ikusita, jai handirik ez zen antolatu. Hala ere, formatu txikiago batean, Deustun euskaraz bizi gura duten herritarrak daudela aldarrikatuz plaza hartu genuen.

Gainera, aurten Prest! aldizkariaren urteurrena ospatzen ari gara Berbaizun eta zenbait ekintza antolatu ziren: Bihotz Alai dantza taldeak antolatutako dantza kalejira, gero frontoiaren goiko aldean bukatu zena; Gaztetxean, gazteentzako formazio-tailer bat antolatu zen “euskarak independentzia eta independentziak euskara”; Matxingorri gazte konpartsak eta Berbaizuko kantugintza taldeek kantu poteoarekin alaitu zuten auzoa eta bukatzeko Oinutsik erromeriak giro bizitu zuen Gaztetxean.

Eguneko argazkia, arratsaldeko 19:30etan, atera zen Deustuko Iharra Frontoian “Euskaraz bizi nahi dut” lema pean. Antolatzaileak gustura gelditu zirela aipatu zuten, eta Deustun mugimendu euskalduna generazio desberdinketakoa delako ondorioa aterata aurrera egiteko bidea dagoela nabarmendu zuten, “erabileran eragiteko erronka daukagu hurrengo urte hauetan”.

Berbaizu Euskara Elkarteak ardo dastaketa bat antolatu du berean salgai dituen ardoak saltzeko asmoz. Abenduaren 23an, arratsaldeko 19:00etan, antolatuko den ekimen hau Imanol Sarasola etnologoak gidatuko du. Bertan hurrengo ardoak dastatu eta erosi ahalko dira:

• EL FLAKO
• SELECCION PERSONAL OREKA
• HNOS. FRIAS DEL VAL : JOVEN, CRIANZA, RESERVA, EXPERIENCIA

Bertaratzeko ez da aurretiazko sarrerarik erosi beharko, bertan ordainduko da, 10€ ko prezioa edukiko du sarrerak (jatekoa eta edatekoa barne) eta berbaizukide direnentzat 5€tan izango da sarrera. Antolatzaileek Deustuko edozein ardozaleri egiten diete dei, aukera paregabea izango delakoan gabonetako afari eta bazkarietako ardoak erosteko, eta aldi berean, herriko euskara elkartea laguntzeko.

Eskaintza berezi bat ere kaleratu du Berbaizuk dagoeneko, El flako botila eta Oreka botila sorta 20 euroko prezioan (merkatuko prezioaren %30eko deskontua) eta 2 sorta hartuta 37 euroko prezioan. Eskaintza hau web orrialdean eskatu daiteke BERBAIZU DENDA atalean, eta gaurtik aurrera jaso daiteke Berbaizun.

Zenbat aldiz hitz egin duzu idazle batekin irakurri berri duzun liburuaz? Fermin Mugurazak, Negu Gorriaken abestian zioen bezala: “Probatzen ez duenak ez daki zer den hau”. Idazlearekin batera, 10-15 lagun bildu izan dira aurreko Irakurleen Txokoaren bilkuretan eta sortzen den ingurunea zinez berezia da. Irakurlea, idazlea eta liburua parez pare, bakoitzak liburuaren bere bizipenak kontatu eta bestearen iritziak trukatzeko aukera ematen duen espazioa da Irakurleen Txokoa.

NOIZ: Abenduaren 22an arratsaldeko 18:30etan.

NON: Mullerrenean, Ramon y Cajal 42, behea.

IDAZLEA: Ana Malagon

LIBURUA: Ez dakit zertaz ari zaren

Deustuko Eskola, San Inazio HLHI, Intxixu Ikastola, Arangoitiko Eskola, Deustuko Ikastola, San Inazio BHI, La Salle Ikastetxeak eta Ibarrekolanda BHI-ko ikasleek, goizeko 10:30etan institutuko aretoan, Marrazki eta Pegata Lehiaketetako sari banaketak egin dituzte.

Denetarik eduki duen sari banaketa izan da, eta batez ere, txapelketek edukitako gaiari eutsiz “Hurbildu Euskarara” izan da jai honek eduki duen helburu nagusia. Marrazki txapelketako irabazleak hauek izan dira:

LH1-2: OIER RODRIGUEZ RODRIGUEZ ( Intxixu Ikastola)

LH3-4: SARA ADAMEZ (La Salle Ikastetxea)

LH5-6: IZAN FERREROS MARCOS (Deustuko Eskola)

Sari banaketa ederra izan da, zati handi batean Ibarrekolandako ikasleek zenbait esketx, dantza ikuskizun, kantu eta bestelakoak egin dituztelako.

Sari banaketako azken zatian Pegatina lehiaketako sari banaketa egiteko tartea hartu da, eta irabazlearen izena zein aipamen bereziak eman dituzte:

IRABAZLEA: SARA DELGADO (San Inazio BHI)

AIPAMEN BEREZIAK:

• JIMENA DOMINGUEZ (La Salle Ikastetxea)

• UNAI TXOPITEA (Deustuko Ikastola)

• MAIDER UNANUE (San Inazio BHI)

Azkenik, ERABILIAZ! ekimenari eta Euskaraz Bizi Nahi Dut-eri aipamen bat egin zaie, Bilboko ikastetxeetan ekimen hauek antolatzen lagundu dutelako euskararen egunaren harira. Euskarak hiztunak behar dituelako eta etorkizuna bermatzeko hausnarketatik, haur, nerabe eta gazteen belaunaldi ezinbestekoentzako ekimen hauek antolatu nahi izan dituzte, helburua adin desberdinetako gazteak euskarara eta Euskal Kulturara hurbiltzea zelarik, euskara balioan jartzeko.