Ostiralean azken maleta hartu eta Bulgariara hurreratu ginen Iñigo Callejaren eskutik. Ibarrekolandako gaztea Sofian ibili zen lanean Global Trainning beka bati esker, non eta zinema estudio batean. Sei hilabetez egon zen bertan eta Sofia zein Bulgaria ezagutzeko aukera izan zuen. Bitxikerien artean, Perniceko inauterietan ikusi zituen joaldunak:

Bitxikeriz bitxikeri osatu zuen Iñigok kontakizuna, argazkietan erakutsi zizkigunak: adibidez, txakur pilo bat ikusi zituen kalean koadrilaka eta bere berbetan bulgariarrek “beste estrato bat balira bezala tratatzen zuten”. Kontatu zigunez, etxeraino segitzen zuten txakurrek, etxera sartu arte zain, bizkartzainak balitz bezala. Dendak ere nahiko bitxiak ziren, izan ere, oso txikiak eta bajuak izaten ziren, argazkiak erakusten digun lez: Gastronomia, ezkontza “ikustetsuak”, komunismoaren arrastoa, hotza eta gauza ugari izan zituen hizpide Iñigok, zeinak kartelak deszifratu behar izan zituen, Bulgarian beste alfabeto bat erabiltzen dutelako: Eta honetaz eta horretaz berbaz eman genuen arrastia, Bulgariako bidaia disfrutatuz. Bidaia Kontaketaken azken kontaketa, hurrengo urtera arte!  

PD: Kontaketetako argazki guztiak ikusteko sakatu hemen eta Bulgariakoak ikusteko hemen bestela.