Aste honetan eta ekainaren 12a bitartean, Mullerrenea Bidaiarien Txoko bilakatuko da asteazkenero. Iazko jardunaldiei helduko diegu aurten ere eta astero-astero hizlari bat izango dugu gurean berak egindako bidaia baten berri emonez. India izango da gure lehenengo helmuga. Botikazar Institutuko irakasle den Koldo Lekunberri eta zenbait ikasleren eskutik Vicente Ferrer fundazioaren egoitzan bizitakoa kontatuko digute. Hitzordua, datorren asteazkenean, maiatzaren 15ean, izango da. Datozen asteetan, Herbehereak, Palestina, Vietnam eta Nepal bisitatuko ditugu Deustutik bertatik. Den-dena, argazkien proiekzioz eta giro ezinobean. Galduko duzu?