Ekaina bukaeran gaude eta jada oporretan daude gure bertsolari gazteak. Aurten ere, ikasturteari bukaera emoteko Ibarrekolandako kontserbatorioan sekulako Bertso Jaia antolatu genuen. Gure umeak eta gazteak, zein baino zein hobeto aritu ziren. Eurokopa dala eta hona hemen Ainhoa Laparrak, Elorri Bertso Eskolako kideak egindako bertso sorta:

Krisiagaitik lurperatuko

omen da laster Europa

langabeziak famili pila

utziko ditu lur jota

gazteak gara eta lepoan

lotuta daukagu soka

baina guztia ahaztu dezagun

hemen dugu EUROKOPA!

Maite ez dugun selekzio bat

bazkaltzen dut egunero

egin gaituzte kolore gorri

ta horiaren bezero

Ramos, Casillas, Llorente, Silva

Alonso edo Negredo

nolako poza hartuko nuke

eliminatu ezkero!