ANA MALAGON “Ez dakit zertaz ari zaren” liburuaren solasaldia Deustun

Zenbat aldiz hitz egin duzu idazle batekin irakurri berri duzun liburuaz? Fermin Mugurazak, Negu Gorriaken abestian zioen bezala: “Probatzen ez duenak ez daki zer den hau”. Idazlearekin batera, 10-15 lagun bildu izan dira aurreko Irakurleen Txokoaren bilkuretan eta sortzen den ingurunea zinez berezia da. Irakurlea, idazlea eta liburua parez pare, bakoitzak liburuaren bere bizipenak kontatu eta bestearen iritziak trukatzeko aukera ematen duen espazioa da Irakurleen Txokoa.

NOIZ: Abenduaren 15ean arratsaldeko 20:00etan.

NON: Bidarte Udaltegiko areto nagusian

IDAZLEA: Ana Malagon

LIBURUA: Ez dakit zertaz ari zaren

Share

Deustualdeko ikastetxeak Ibarrekolandako Institutuan elkartu dira Pegata/Marrazki lehiaketetako sari banaketak egiteko

Deustuko Eskola, San Inazio HLHI, Intxixu Ikastola, Arangoitiko Eskola, Deustuko Ikastola, San Inazio BHI, La Salle Ikastetxeak eta Ibarrekolanda BHI-ko ikasleek, goizeko 10:30etan institutuko aretoan, Marrazki eta Pegata Lehiaketetako sari banaketak egin dituzte.

Denetarik eduki duen sari banaketa izan da, eta batez ere, txapelketek edukitako gaiari eutsiz “Hurbildu Euskarara” izan da jai honek eduki duen helburu nagusia. Marrazki txapelketako irabazleak hauek izan dira:

LH1-2: OIER RODRIGUEZ RODRIGUEZ ( Intxixu Ikastola)

LH3-4: SARA ADAMEZ (La Salle Ikastetxea)

LH5-6: IZAN FERREROS MARCOS (Deustuko Eskola)

Sari banaketa ederra izan da, zati handi batean Ibarrekolandako ikasleek zenbait esketx, dantza ikuskizun, kantu eta bestelakoak egin dituztelako.

Sari banaketako azken zatian Pegatina lehiaketako sari banaketa egiteko tartea hartu da, eta irabazlearen izena zein aipamen bereziak eman dituzte:

IRABAZLEA: SARA DELGADO (San Inazio BHI)

AIPAMEN BEREZIAK:

  • JIMENA DOMINGUEZ (La Salle Ikastetxea)
  • UNAI TXOPITEA (Deustuko Ikastola)
  • MAIDER UNANUE (San Inazio BHI)

Azkenik, ERABILIAZ! ekimenari eta Euskaraz Bizi Nahi Dut-eri aipamen bat egin zaie, Bilboko ikastetxeetan ekimen hauek antolatzen lagundu dutelako euskararen egunaren harira. Euskarak hiztunak behar dituelako eta etorkizuna bermatzeko hausnarketatik, haur, nerabe eta gazteen belaunaldi ezinbestekoentzako ekimen hauek antolatu nahi izan dituzte, helburua adin desberdinetako gazteak euskarara eta Euskal Kulturara hurbiltzea zelarik, euskara balioan jartzeko.

Share

Errigorako saskiak pozik doaz!

Berbaizu Euskara Elkarteak antolatutako zozketak saridunak ditu. Sarasola Isazelaia sendia eta Eider Egurbide izan dira zortedunak, oraingo honetan, aprobetxa dezazuela! Deustutik, Nafarroako euskalgintzaren egoeran lagundu nahian bultzatutako ekimen honek, beraz, bukaera eduki du zozketaren saridunekin. Herriak egiten du herria leloa izango du Errigorak 2021eko Nafar hegoaldeko uzta euskarari puzka kanpainak. Urriaren 23tik azaroaren 11ra luzatu den auzolan-ariketa erraldoi honetan Nafarroa hegoalde eta erdialdeko —alegia, Agerreko— produktuz osatutako 3 saski eskaini dira eta horien balioaren %25 zonaldeko euskalgintzari bideratuko zaio. Berbaizuk, Deustun banaketa lanak errezteko konpromisua hartu du, eta beste urte batez, Berbaizuko lokalean jaso ahal izango dira Deustuarrek eskatutako saskiak!

Share