Txantxiak Lesakan

Lesakan igaro genituen txantxikuak udaberriko azken opor-egunak. Labur egin arren, guztira lau egun eman ditugu bertan.

Astearte goizean Deustutik atera, eta Bortzirietara abiatu ginen herri berri bat ezagutzeko gogo handiz, eta ostiral eguerdian, berriz, gure Deustu maitatura bueltatu ginen.

Txantxikuak Lesakan!

Elkarrekin igaro ditugun egun hauetan, beti bezala, denetarik egin dugu. Gure etxe alboan zegoen ikastola handi bateko patioan hainbat jolas egin genituen astearte zein ostegunean eta herriko umeekin batera jolasteko aukera ere izan genuen tarte txiki batean!

Asteazkenean Lesaka alboan dagoen Bera herria bisitatzera joan ginen. Bertako frontoia eta eskola bisitatu ondoren, herriaren inguruko beste hainbat gauza ezagutzeko jolas bat egin genuen Bera osoan zehar, “herria ezagutu” deitzen dioguna. 

Txantxikuak Lesakan!

Ez genuen Lesaka agurtu nahi izan zerbait berezia egin gabe, beraz, ostegun goizean Txantxikuko txikienekin papera egiten ibili ostean, eta nagusiekin komunikazioaren inguruan hausnartu ostean, gauean KORRIKA egin genuen Lesakatik zehar! Denok elkarrekin, gure musika zein oihuekin, eta lekukoa partekatzen genuen bitartean euskaraz busti genituen herriko kale guztiak. Oso ondo pasatu genuen!

Ostiral goizean dena jasota utzi eta Deustura buelta egin genuen autobusean, hurrengo ekintza zein udalekuak noiz heltzeko zain!

Oh: argazki guztiak ikusteko sakatu hemen.

Partekatu

M15ean 19:00etan Bilboko Euskalgintzako bilera Kafe Antzokian

Euskaraldiko olatua igarota, otsailean BilboRocken egindako topaketetan hainbat erronka jarri genizkion gure buruari. Apirilean Euskalgintzako eragileok elkarrekin ekin genion Korrikari eta Bilboko Euskalgintza bultzatzen jarraitzeko asmoa dugu hemendik aurrera ere!
Hurrengo hilabeteotan ditugun erronketan parte hartzeko prest gaude!
Koordinazioa, auzoetako jaiak, Aste Nagusia, hurrengo ikasturte hasiera, elkarlanerako apustua…hainbat gai ditugu elkarrekin aurrera egiteko.
Bazatoz gurekin?
EGUNA: Maiatzak 15
ORDUA: 19:00
LEKUA: Kafe Antzokia
#BilbonEuskarazBizi
@bilboeuskaraz

M15 kartela

*Zuen parte hartzea baieztatzea eskertuko genizueke. Eskerrik asko!

Atzo egun ederra izan zen!

Atzo Korrikak Bilbo eta Deustualdeko kaleak zeharkatu zituen, Txorierrira joan aurretik. Berbaizu Euskara Elkarteak hiru kilometroetan parte hartu zuen eta, benetan be, ederra izan zen!

Hona argazki batzuk (sakatu denak ikusi ahal izateko):

21. Korrika: Gares- Gasteiz

Bestalde, Jon Intxaurraga berbaizukidea Berria TBn elkarrizketatu dute. Euskararen ikusgarritasunaz, ingelesaren eraginaz eta Korrikaz jardun du.

Gaur Korrika badator! Egin klika gurekin!

Gaur Korrika Bilboko kaleetara helduko da eta Berbaizuk bi hitzordurekin bat egin du:

14:52an* La Granja zenaren ondoan: Bilboko Euskalgintzaren kilometroan egongo gara (lekukoa Arkaitz Zarragak eramango du)

15:55ean* Done Petrin: Jai Batzordearen kilometroan parte-hartuko dugu (lekukoa Prest!ek, Gazte Alaik eta Parek eramango dute)

16:11an* Orixe kaleko biribilgunean: Deustualdeko Korrika Batzordearen kilometroan parte-hartuko dugu (eta zorte apur bat egonez gero, guk ere eramango dugu lekukoa!)

KorrikaDeustun

20:00etan Bidarte Udaltegian: Vertsus bertso-dinamikaren aurkezpena

Erdu gurekin euskararen aldera korrika egitera! Egin dezagun Klika!

* Komeni da ordua baino 15-20 minutu lehenago egotea

Korrika hitzorduak: bihar eta igandean

Bihar:

14:52an* La Granja zenaren ondoan Bilboko Euskalgintzaren kilometroan izango gara (lekukoa Arkaitz Zarragak eramango du)

15:55ean* Done Petrin: Jai Batzordearen kilometroan (lekukoa Prest!ek, Gazte Alaik eta Parek eramango dute)

20:00etan Bidarte Udaltegian: Vertsus bertso-dinamikaren aurkezpena

Igandean:

09:30ean Gasteizerako autobusa (informazio gehiago kartelean):

KorrikaBusa

Erdu gurekin euskararen aldera korrika egitera! Egin dezagun Klika!

* Komeni da ordua baino 15-20 minutu lehenago egotea

Korrikako hitzorduak: ostegunean eta igandean

Ostegunean:

14:52an* La Granja zenaren ondoan: Bilboko Euskalgintzaren kilometroan izango gara (lekukoa Arkaitz Zarragak eramango du)

15:55ean* Done Petrin: Jai Batzordearen kilometroan (lekukoa Prest!ek, Gazte Alaik eta Parek eramango dute)

20:00etan Bidarte Udaltegian: Vertsus bertso-dinamikaren aurkezpena

Igandean:

09:30ean Gasteizerako autobusa (informazio gehiago kartelean):

KorrikaBusa

Erdu gurekin euskararen aldera korrika egitera! Egin dezagun Klika!

* Komeni da ordua baino 15-20 minutu lehenago egotea