Animazio saria jaso genuen igandean! Gora Txantxiku!

Inauterietako poza, nekea eta aje emozionala pasatuta edukiko dute agian deustuar gehienek baina txantxikutarrok ez. Izan ere, igandean goizean goiz hasi ginen egunari egurra ematen prestatutako mozorroak ikastolan janzten (artistak gure txantxikuak!) eta koreografia prestatzen.

Txantxi-inauteriak

 Behin prest geundela, San Felizisimora abiatu ginen Inauterietako desfile nagusian parte hartzeko gure aurpegirik bihurriena jarriz. Gauzak horrela, munstro bihurrienen papelean jarri ginen eta gure indar eta motibazio handienarekin ekin genion desfileari, abesten, dantzatzen, jendea ikaratzen… Hain munstro onak izan ginen, non epaimahaiak, ikaratuta, animazioaren saria eman zigun! Hor bai izan ginen Deustuko eta mundu osoko monstruorik erraldoienak! Hurrengo urtearen zain gaude, urtero lez, euskaraz mozorratzeko Deustuko Inauteriak!

GORA TXANTXIKU!

Txantxiak Bernedon!

Oraingoan Bernedora joan gara Txantxikukideok. Ezaguna genuen Arabako herria, Ega errekak eta Tirso mendiak inguratuta dagoena. Aurreko irteerako kontuan hartuta, Bernedok paregabea zirudien kurtsoko lehenengo asteburu pasa bertan egiteko. Gainera, aurten ostiraletik hasi dugu irteera, eta horregatik, leku aproposa topatu nahi genuen. Beraz, Santikurutze Kanpezu inguruko herri polit horretara abiatu gara, nagia eta hotzaren kontra!

“Pipi kaltzaluze” pertsonaia izan da gure ikurra, eta berak gidatuta hainbat jolas egin ditugu: tribial erraldoia, memoria lantzeko jolasak, yinkana, koloreen jolasa, zelai erre alternatiboa… Jolas bakoitza desberdina, baina taldeko kooperazioan oinarrituan denak. Izan ere, taldeka antolatzen gara beti bai jolasteko eta bai garbiketa txandak egiteko. Eta oraingoan ere, bide berbera jarraitu dugu.

Laburbilduz, oso-oso pozik ibili gara; irteera antolatzeko egindako lanak merezi izan du. Gainera, irteera ostiralean hastea oso positiboki baloratu dugu. Lanak eta berrikuntzek taldearen elkarrekintza eta helburuak indartu dituzte.

Txantxiak Bernedon 2