Abenduaren 3a Euskararen Eguna Done Petrin!

 

KAIXO‍♂,_________!

Abenduaren 3an 20:00etan Euskararen Eguna ospatuko dugu Done Petrin*! Berbaizun kioskoa eragile eta norbanakoen artean kolorez betetzea nahi dugu eta zutabeak gurekin jostera gonbidatu nahi zaitugu.

Ariketa erraza izango da 40x40cm-ko artile edo gantxillo zatia josi, nahi duzuen kolorean, nahi duzuen diseinuarekin, nahi duzuen sinboloarekin eta Berbaizura ekarri azaroaren 28a baino lehen. Artilea erosteko Lanas Etxabe (Heliodoro de la torre 4) dendatik pasatu, hartu eta ordainketa gure esku!

Abenduaren 3an denak elkartuko ditugu plazan 20:00etatik aurrera! Orduan ere Euskaradia 2020 aurkeztuko dizuegu eta zutabeak konpromisoz beteko ditugu!

Abenduaren 3an (H)Ari(a) gara!
Euskaraldia 2020 jomugan!

 *Euria eginez gero, Bidarte Udaltegira mugituko gara

Euskararen Eguna 2019

Partekatu

PRENTSA-OHARRA: Berbaizu logo berri bila dabil

Deustualdeko euskara elkarteak logo berria aukeratzeko lehiaketa martxan jarri du. Lanak azaroaren 22ra arte aurkeztu daitezke eta 100€ko saria dago jokoan. Oinarriak webgunean eskegi dituzte.

DEUSTUN, URRIAREN 29an. Deustualdeko Berbaizu Euskara Elkarteak logoa aukeratzeko lehiaketa martxan jarri du. Lan irabazlea elkartearen ekintza guztietan iragarriko da gero eta diseinatzaileak 100€ko saria jasoko du. Lehiaketan edonork parte har dezake. Lanak paperean eta euskarri informatikoan aurkeztuko dira. Edozein teknika onartuko da, baldintza bakar batekin: inprimategian bikoizteko balio izan behar du. Lan grafikoa hainbat tamainatan, zuri-beltzean eta koloretan aurkeztu beharko da. Oinarriak berbaizu.eus/logo-lehiaketa atarian irakurgai daude.

Lanak azaroaren 22ra arte aurkeztu daitezke. Bi eratara egiteko aukera dago: Berbaizuko lokalera eroatea edo postaz bidaltzea. Aurkezpenari dagokionez, behar bezala babestuta egon behar dira, lanari kalterik ez eragiteko. Azalean bi gauza agertu behar dira: aurreko aldean lehiaketaren izena, Berbaizu Euskara Elkartearen logotipo lehiaketa, eta atzealdean izenorde bat. Egilearen datuak, berriz, aparteko gutun-azal itxi batean jasoko dira eta lanarekin batera aurkeztu. Gutun-azal horren aurreko aldean egilearen izenordea adieraziko da. Epaimahaia hiru berbaizukideek osatuko dute eta astebete izango dute, askoz jota, irabazlea erabakitzeko.

Hamarkada berriari begira

Berbaizu Euskara Elkarteak hamarkada berrian jarria du fokua eta irudia gaurkotzeak lotura zuzena du. Neguan abiatu zuten gogoeta prozesua eta irailaren 28an Berbaizu 2020-2030 hamarkada berriari begira jardunaldia antolatu zuten, datozen urteetako ildoak erabakitzeko asmoz. Lagun andana batu ziren Bidarte Udaltegian eta, bildutako ideia meta dela-eta, hitzordu berria iragarriko dute laster. Aipatutakoen artean, itxura eguneratzea zen premietako bat eta horren ondorioa da martxan jarri dugun logo lehiaketa.

Berbaizu logo bila3

Errakaurti Saria 2019: Kiosko Yabel

Kiosko Yabelek (Agirre Lehendakaria, 31) jaso du aurtengo Errekaurti Saria komertzioan euskararen erabilera sustatzeagatik. Agirre Lehendakaria metro-geltokiaren ondoan kokatuta dago eta langileen artean euskararen erabilera sustatzen du, dakienak dakiena erabiliz.

Dare Basterra berbaizukide gazteak garaikurra eman dio bertan. Loitz artista deustuarrak egindakoa da, Adolfo Guiardren Krabelin gorridun baserritar gaztea koadroan oinarritutako keramika.

Zorionak!

Errekaurti Saria 2019: Kiosko Yabel

Errekaurti Sariaren irabazleak:

  • 2008: Bordatxo jatetxea

  • 2009: Sabin Bitxidenda

  • 2010: Remen okindegia

  • 2011: Zenon Uriguen

  • 2012: Deustuko Liburudenda

  • 2014: Salan Puebla Farmazia

  • 2015: Karola taberna

  • 2016: Erribera taberna

  • 2017: Eskegi arropa denda

  • 2018: Deustukopi fotokopistegia

  • 2019: Kiosko Yabel

 

Bihar eraiki dezagun Deustualde euskalduna!

Bihar, irailaren 28an, 09:30etik aurrera, hamarkada berriari begira jarriko gara Bidarten.  Elkartearen datozen urteotako ildoak eta proiektu berriak izango ditugu hizpide.

Zure iritzia entzun nahi dugunez, izena ematera gonbidatzen zaitugu: sartu hemen eta datuak bete: https://forms.gle/M9J66y9HxiLic9rV8

Etorri gurekin Deustualde euskalduna eraikitzera!

Larunbatean etorri gurekin Deustualde euskalduna eraikitzera!

Irailaren 28an, 09:30etik aurrera, hamarkada berriari begira jarriko gara Bidarten.  Elkartearen datozen urteotako ildoak eta proiektu berriak izango ditugu hizpide.

Zure iritzia entzun nahi dugunez, izena ematera gonbidatzen zaitugu: sartu hemen eta datuak bete: https://forms.gle/M9J66y9HxiLic9rV8

Etorri gurekin Deustualde euskalduna eraikitzera!

Eman izena irailaren 28an hamarkada berriari begira jartzeko!

Irailaren 28an, 09:30etik aurrera, hamarkada berriari begira jarriko gara Bidarten.  Elkartearen datozen urteotako ildoak eta proiektu berriak izango ditugu hizpide.

Zure iritzia entzun nahi dugunez, izena ematera gonbidatzen zaitugu: sartu hemen eta datuak bete: https://forms.gle/M9J66y9HxiLic9rV8

Etorri gurekin Deustualde euskalduna eraikitzera!

Txantxikuren udalekuak

Uztailaren 16a, goizeko 10.00ak. Deustuko Ikastolako azpiko kalea ume, guraso eta begirale gogotsuz betetzen hasi da. Maleta eta motxilak, barre eta negarrak. Denak sartu dira gutxinaka autobusetan. Urte osoan zehar ondutako harremanek gidatuko dituzte bi autobusak Murietaraino. Murietara heldu, ezagutza jolas batzuk egin eta, orain bai, ume zein begirale, denok daukagu udalekuak hasi direlako sentsazioa.

Erreza da proposatutako jolasa, 12 egunetako jolasa. Txantxikuok oasi bat eraiki behar dugu. Denon artean, denok batera. Lehen bi egunak Murietan, hurrengoak Acedon. Guztiontzako leku segurua baita oasia, elkar zaintzen duen jendez osatzen duguna, euskaraz osatzen duguna. Asterix eta Obelix izan gara eta elkartuta Davidek Goliat garaitu dezakeela deskubritu dugu. Enigmetan ere jolastu gara, gauzak ez baitira beti diruditena. Piratak bihurtu eta beste hamaika itsaso ezagutu ditugu. Indioak ere izan gara eta “indioarena” egiteaz gain, hainbat kulturaren inguruan ikasi dugu. Urarekin jolasean ibili gara eta errekara bisita egin dugu. Umeen ideiekin eta eurek antolatutako ekintzekin egun bat antolatu dugu, begiraleok ere asko baitugu ikasteko. Eta, guzti horren ostean, azkenean itzuli gara, hasieran ezezaguna zen basamortua oasi bilakatuta.

Harremanak sendotu ostean, txikienek handienetatik eta handienek txikienetatik asko ikasi ostean, barre, algara eta txantxa asko egin ostean, azkenean itzuli gara; berriz itzultzeko irrikitan!

Txantxiku Udalekuetan