Zubi Zaharra Ikastolako lagunak laguntza eske! (bete inkesta, mesedez!)

Ondarroako Zubi Zahar Herri Ikastolak gure herrian aterpetxe bat irekitzeko proiektua du. Honen helburua euskal herritarrei euskararen arnasgune den herri honetan esperientzia zoragarri bat eskaintzea da, nola ez, euskaraz.
Horretarako informazioa behar dugu, eta email honen bitartez 15 galderako galdetegi bati erantzutea eskatu nahi genizueke. Esan beharrik ez dago, minutu batzutako lan hau  guretzako izugarrizko ekarpena litzatekeela.
Hona hemen esteka: Sakatu hemen
Partekatu

Ondarroako Zubi Zahara Ikastolako lagunak laguntza eske (bete inkesta mesedez!)

Ondarroako Zubi Zahar Herri Ikastolak gure herrian aterpetxe bat irekitzeko proiektua du. Honen helburua euskal herritarrei euskararen arnasgune den herri honetan esperientzia zoragarri bat eskaintzea da, nola ez, euskaraz.
Horretarako informazioa behar dugu, eta email honen bitartez 15 galderako galdetegi bati erantzutea eskatu nahi genizueke. Esan beharrik ez dago, minutu batzutako lan hau  guretzako izugarrizko ekarpena litzatekeela.
Hona hemen esteka: Sakatu hemen

Lekukotzak: Libe Irisarri (Hamaikakoa)

Euskaraldia erronka handi bat izan da niretzat. Iniziatiba bikaina izan da ohiturak aldatzeko;  bakarrik falta da borondatea, perseberantzia eta inertziak apurtzea. Nire partetik lortu dudala uste dut, eta soilik horrela lortuko dugu hasierako helburua: entzutea eta hitz egitea euskaraz gure artean.

Euskaraldia bide bat izan zen, eta dinamika horretan jarraitu beharko dugu, azken batean, euskara gure herriko hizkuntza delako. Eta kito!

Libe Irisarri- 59 urte- Belarriprest- Erribera- Etxekoandrea

Lekukotzak: Olatz Beldarrain (Hamaikakoa)

Orokorrean euskaraldiaren balorazio positiboa egiten dut.

Hartutako konpromisoak bete ditudan arren, esan beharra daukat lehenengo egunetan zaila iruditu zitzaidala, batez ere erderaz egiteko ohitura dudan pertsonekin, eta are gehiago erderaz jarraitzen zutenekin. Halere, erronka polita iruditu zait egunerokotasunean lehenengo hitza euskaraz egitea eta konturatzea gehienok garela elkarrizketa arrunt bat euskaraz izateko gai. Lehenengo hitzarekin bakarrik!
Konklusio moduan, ekimen hau onuragarria izan dela pentsatzen dut. Kalean ikusgai ziren bai Belarriprest eta bai Ahobizi txapak, jende asko mugiarazi denaren zantzu. Hala ere, jarraikortasun bat izan behar du mugimendu honek, gizartean euskara sustatzeko oraindik lan handia egiteke baitago. Esperientzia hau baliagarria izan delakoan nago, eta etortzeko dauden urteetan euskararen erabilerak gora egingo duela uste dut, denok gure inguruan erabilera hori sustraitzeko ahalegina egiten badugu behintzat.

Olatz Beldarrain Suárez- 29 urte- Ahobizi- Deustu- Abokatua

Lekukotzak: Nati Ovelleiro (Hamaikakoa)

Euskaraldia balio izan zait konturatzeko batzuetan euskaraz hitz egin ahal dudala eta ez dudala egiten burua ez dudalako horretan jartzen. Hartu nituen konpromisoak ederto bete ditut eta egunak pasatu diren arren, betetzen jarraitu dut.

Oso ondo etorri zait txapa ipintzea eta burua nolabait horretan jartzea. Auzoko zenbait euskalduni aurpegia jarri diet eta hitz egiten ez nuen pertsona batzuekin berba egiten hasi gara. Kalejira egin genuen eta ordutik agurtu eta pitin bat hitz egiten dugu
Espero dut kanpaina pixkanaka itzali arren, piztutako suak gure auzoan jarraitzea.

Nati Ovelleiro- 52 urte- Ahobizi- Ibarrekolanda- Irakaslea

Lekukotzak: Enara Ahedo (Hamaikakoa)

Lehenik eta behin, familian euskaraz dakiten denekin hala aritzeko konpromisoari dagokionez, oso errotuta dauden harremanak direnez, familia hurbilean aurrerapen asko egin baditut ere, eta etxean ohitura asko aldatu baditugu ere, familia zabalean zailagoa egin zait eta gehienetan gaztelerara jo dudala aitortu behar dut.

Kalean, ezezagunekin lehengo hitza euskeraz izatearena, aurretik lantzen egon naizen gauza izanda, nahiko hobeto dudala uste dut.

Beste alde batetik, ezagun eta lagunekin elkarrizketak euskaraz hasi ditudan arren, askotan kostatu zait mantentzea beste aldekoak euskara ulertzen bazuen ere, erderaz erantzuten zuenean.

Azkenik, uste dut nire etxean beti erabili dudan euskalkia askoz gehiago erabiltzen dudala orain testuinguru anitzagoetan.

Laburbilduz, hainbat aurrerapen egin ditut eta Euskaraldia honetan martxan hasteko oso aitzaki ona izan da. Hala ere, oraindik asko dago lantzeko.

Enara Ahedo- 20 urte- Ahobizi- Deustu- Gizarte lana eta Gizarte Hezkuntzako ikasle