Deustukopi fotokopistegiak jaso du hamargarren Errekaurti Saria

deustukopi_euskara_saria_berbaizu2018

Berbaizu Euskara Elkarteak 2018ko Errekaurti Saria eman dio Deustukopi fotokopistegiari eta garaikurra dendan bertan jaso dute.

Errekaurti Saria euskararen normalizazioa sustatzen duten saltokiei ematen die Berbaizuk eta bezero euskaldunoi emandako arreta eta 11 EGUN EUSAKARAZ zein Euskaraldiarekin izandako jarrera abegikorra azpimarratu dituzte saria ematerakoan.

DEUSTUAN, IRAILAREN 11a-Berbaizu Euskara Elkarteak aurtengo Errekaurti Saria eman dio Deustukopi fotokopistegiari. Jon Intxaurraga berbaizukideak Sabin Menino eta Jenaro Zamalloari eman die Agirre Lehendakariaren Etorbideko 18. zenbakian dagoen saltokian. Intxaurragaren berbetan “bezero euskaldunoi eman ohi digun arreta” eta “11 EGUN EUSKARAZ zein EUSKARALDIAREKIN izandako jarrera abegikorra” azpimarratu ditu elkarteak saria ematerakoan.

Bada, Errekaurti Sariak urteetan zehar euskararen normalizazioaren alde lan egiten duten saltokiak saritzen ditu, bai euskarari trataera zintzoa eman diotelako bai euskaldunok bezero gisa behar bezalako harrera jaso dezaketelako bertan, eta sariarekin Adolfo Guiardren Krabelin gorridun baserritar gaztea koadroan oinarritutako keramika ematen da, Deustuko Loitz artisautzak egina.

Gaur hamargarren garaikurra eman dugu eta urte hauetan hainbat motatako saltokik jaso dute (jatetxeak, tabernak, bitxidendak…), frogatuz Deustualdean euskaldunok eta euskara behar moduan tratatzen duten saltoki asko eta era askotarikoak daudela.

Errekaurti Sariaren irabazleak:

  • 2008: Bordatxo jatetxea

  • 2009: Sabin Bitxidenda

  • 2010: Remen okindegia

  • 2011: Zenon Uriguen

  • 2012: Deustuko Liburudenda

  • 2014: Salan Puebla Farmazia

  • 2015: Karola taberna

  • 2016: Erribera taberna

  • 2017: Eskegi arropa denda

  • 2018: DEUSTUKOPI FOTOKOPISTEGIA

Partekatu

Badator Bilboko Euskaraldia, gure hizkuntza ohiturak aldatzeko abiatu den ariketa herritarra

3ra bilbotarron hizkuntza-ohiturak astindu eta euskaraz bizitzera eramango gaituen ‘jolasa’. Ordutik aurrera Bilbo euskaraz bizitzera, euskaldunekin euskaraz egitera eta ariketa gurekin egitera gonbidatzen zaitugu. Asko gara hizkuntza-ohiturak astindu eta euskara gehiagotan erabili nahi dugunok, eta azaroaren 23tik abenduren 3ra kalera aterako gara Bilbo uste baino askoz euskaldunagoa dela erakusteko, elkarrekin lotsak eta aurreiritziak astindu eta ohiturak aldatzea errazagoa delako.

Badakigu, Bilbon Euskararen erabileraren datuak ez direla onenak. Bilbotarron elkarrizketen % 3 soilik egiten dira euskaraz. Beldurrak, aurreiritziak, kezkak… hainbat dira arrazoiak, hala ere, bazenekien, Bilbotarron % 48’9k euskara ulertzen duela? Eta 0-35 urte bitarteko Bilbotarron % 70-80 Euskaraz ulertzeko gai direla?

Gure hirian euskaraz bizi ahal izateko urratsak ematea posible da. Horretarako tresna da Euskaraldia. Euskaraz hitz egin eta gurekin euskaraz hitz egin dezaketela adieraztekoa.

Euskara ari du

URRIAREN 7an, Bilbotarrok hasiera emango diogu Euskaraldiaren izen emateari. Gure auzokideak, lagunak, lankideak gonbidatuko ditugu, elkarrekin ariketa honetan parte har dezaten.

Batzuk ahobizi izango gara, besteok belarriprest.

Ahobizi: Ulertzen duenari euskaraz egiten diot, hark erdaraz erantzun arren. Ezezagunei lehen hitza euskaraz egiten diet.

Belarriprest: Egidazu euskaraz, nik ulertzen dut eta. Agian erdaraz erantzungo dizut, baina zuk niri euskaraz egitea nahi dut.

Bilbotarron gainean, EUSKARA ARI DU.

Udalak Googleko funtzio batzuk euskaratzeko laguntza behar du

Udalak Googleko funtzio batzuk euskara nahi ditu udal ordenagailuetan euskara gero eta gehiago erabiltzeko. Horretarako, 50 lagunen ahoskera jaso beharko lukete eta baldintza bakarra da 21 urte baino gehiago izatea. Lana egiteko egun bat finkatuko du Udalak eta goiz zein arratsaldez prest dagoen jendea Bizkaia Irratiko gela batera hurbilduko da zenbait esaldi irakurtzeko.

Denbora aldetik kontu laburra izango da!

Izena eman nahi baduzu idatziguzu: berbaizu@euskalnet.net

Animatu Udaleko ordenagailuak euskalduntzera!

Ongi etorri, Ttap aldizkaria!

Ttap aldizkaria jaio da gaur, sakeletarako edota tableterako propio egin den lehen aldizkaria. Euskarazko tokiko hainbat hedabidek sortua, Kataluniako Esguard hedabidean oinarritu da. Irakurri, ukitu, ikusi eta entzun daitekeen produktua da. Gertuko gaiak jorratuko ditu, erraz eta azkar kontsumitzeko moduan!

ttap aldizkaria

Play Storren jaitsigai dago!

Gaur 19:30ean Errumaniara goaz Martin Garmendiaren eskutik!

Gaur, maiatzaren 30ean, 19:30ean Martin Garmendiak Errumanian zehar eginiko bidaia kontatuko digu Müllerenean Bidaia Konketa Zikloaren barruan. Bazatoz?

Bidaia Kontaketa Zikloa- Martin Garmendia Errumanian

Oh: Bihar 20:00etan Errondokoan Europa karabanan ezagutuko dugu David, Olatz eta Aritzen eskutik, erdu! Bidaia kontaketa zikloa 2018 copia