Apirilaren 25ean 19:30ean ‘Joseba Sarrionandia hemen eta han’ Bidarten!

Apirilaren 25ean 19:30ean Joseba Sarrionandia hemen eta han dokumentala eskainiko dugu Bidarte Udaltegian, Irakurleen Txokoaren barruan. Peru Magdalenak eta Pello Salaberriak eginiko lanak Iurretako idazlearen bizitza eta obra kontatzen ditu haren inguruko lagun eta kideen eskutik. Magdalena bera gurekin egongo da proiekzioaren ostean berba egiteko.

Apirilaren 25ean 'Joseba Sarrionadia hemen eta han' dokumentala Irakurleen Txokoan

Partekatu

Asteleheneko saioa kuxkuxeatzen (IV)

Geldo basoko hosto gorri baten azpian bizi da. Egunero, ihintzaren tantak jasotzen ditu sudurraren puntan. Tanta horiek bere iratzargailua dira.
Gaurkoan, bai, garaiz iritsiko naiz! Egun garrantzitsua da. Gainerakoei zein azkarra naizen erakutsiko diet!! 

Asteleheneko saioa kuxkuxeatzen (IV)Lasterketari hasiera eman dio astiro-astiro korrika eginez. Ez du besteek bezala korrika egiten. Zergatik? “Etxea bizkarrean eramaten duelako eta besteek ez”, “oskolak pila pisatzen duelako”…Geldo da etxea bere bizkarrean daraman bakarra? Nortzuk dira lasterketan parte hartzen duten animaliak? “Gu!”, “ni kameleoia izango naiz, ezkutatu eta azkar korrika egiteko”, “ni lehoia, azkarrena eta indartsuena izateko”, “ni hanka asko dituen zaldia izango naiz”. 
Asteleheneko saioa kuxkuxeatzen (IV)

Gure ipuinaren pertsonaiak zeintzuk izango diren pentsatu eta paperean diseinatu ditugu. Gero, hitzen bitartez deskribatu eta dimentsio handian egitera animatu gara!Zer gertatuko da hurrengo saioan? Nola lagunduko diogu Geldori lasterketan azkar korrika egiteko? Asteleheneko saioa kuxkuxeatzen (IV)

Laster arte!

Oh: Gometxako argazki guztiak hemen

Berbaizuk dinamizatzailea behar du!

Eskaintzaren deskribapena: Berbaizu Euskara Elkarteak gazte bat kontratatu nahi du Deustualdeko Ikastetxeak Arnasgune Bihurtzeko Bidean proiektua bideratzeko. Jardunaldi- partzialeko lanaldia izango luke, apirilaren 10etik ekainaren 10era eta irailaren 15etik abenduaren 15era hiru ordu egunean, eta Zuzendaritza Batzordearekin elkarlanean gauzatuko litzateke.

Hauek dira aurreikusten diren funtzioak:

- Deustualdeko Ikastetxeetan proiektua aurkeztu eta zentroen lanketa egitea

- 2018/2019ko plangintza prestatu eta irailetik aurrera gauzatzea

- Ikastetxeetako euskara batzordeak sortu eta dinamizatzea

- Euskaraldia 16-18 urteko ikasleen artean zabaltzea

Baldintzak:

- Euskara maila ona izatea, ahoz zein idatziz

- Hezkuntza mundua ezagutzea

- Euskalgintza ezagutzea

- Nerabe eta gazteekin esperientzia

- Jendaurrean eta jendearen harremanetarako gaitasuna

- Talde- dinamizazio eta antolaketarako gaitasuna

- Zenbait bilera goizez edo eguerdiz izango diren arren langileak malgutasuna izango du bere ordutegia finkatzeko.

Baloratuko da:

- Berbaizuko bazkidea izatea

- Deustualdea ezagutzea

- Aisialdi taldeetan eskarmentua izatea

Laburpena:

Lekua: Deustua

Enpresa: Berbaizu Euskara Elkartea

Lan mota: 3 ordu egunean apiriletik ekainera eta irailaren 15etik abenduaren 15era arte

Soldata: 492€/ hilean (garbi)

Interesa izanez gero, bidali zure kurrikuluma berbaizu@euskalnet.net helbidera!

Asteleheneko saioa kuxkuxeatzen (III)

Iluntasunarekin batera ilargi betea atera da.
Hodei Ilargi osoaren handitasunaren aurrean harrotu egin da, puztu, indartu! Beste aldean zer dagoen ikustera joango da!

Begiak itxita, ilargiaren faseekin lotu ditugu entzundako doinuak: ilbeherarekin; “lasaitasuna” eta garbitasuna, ilberriarekin; ezinegona, urduritasuna, “beldurra”, ilgorareki; “mugimendua”, eta azkenik, ilbetearekin; “poztasuna”, handitasuna.

Asteleheneko saioa kuxkuxeatzen (III)

Soinuetan entzundakoa bozetoetan irudikatu dugu, gero antzezlan baten bitartez partekatzeko. “Kolunpioak daude, musika honek alaitasuna transmititzen duelako”, “biolina dago”, “ballet dantzaria dago eta bueltak eta bueltak ematen ditu” , “ilun dago eta gogor entzuten dira zaratak”…

Ilargiaren beste aldean egongo dena maindire zuriaren alde ezkutuan sortu dugu. Iluntasunaren laguntzaz istorio zirraragarri horien itzalei bizia eman diegu. “Ilargia betetzen denean bakarrik ikus daiteke barruan ezkutatzen duen mundua”, “giltza baten bitartez ireki daiteke”, “beste mundu hori alderantzizko mundua da: goian belarra dago eta behean zerua”.

Asteleheneko saioa kuxkuxeatzen (III)

Primeran pasa oporretan, laster arte!
Oh: Tailerreko argazki guztiak hemen ikusgai: https://flic.kr/s/aHsmcfgwPA