Asteburua Barrian!

Inauteriek utzitako zapore goxoarekin, txantxikukideok asteburua Barriako aterpetxean igaro genuen. Larunbatean goizean goiz jeiki, hartu beharrekoak motxilan sartu eta kantu artean egin genuen Barriara arteko bidea; emozioz, dibertsioz eta bihurrikeriaz beteriko asteburuari ekiteko prest !!!
Heldu bezain pronto, motorrak berotzeko zenbait jolastxo egin genituen eta arratsaldean “Gerrilla Girls Quiz” gynkanarekin jarraitu genuen. Emakume gerrillera ezberdinak gynkanaren erdigune izan ziren, sua, jolas koperatiboak, interpretazio dinamikak… Ez ziren gutxi izan asteburuan zehar egindakoak. Iluntze partera, gaua gainean eta horrekin batera gaubela !!

Asteburua Barrian

Igandean adinka banatu eta formakuntza saio ezberdinak eraman genituen aurrera: sexualitatea, botere harremanak eta heteroaraua landu genituen, besteak beste.
Primeran genbiltzan, baina konturatu orduko Deustura itzultzeko ordua heldu zen.
Horrenbeste maite ditugun makarroiak bazkaldu eta dena txukunduta ondo, busera igo eta asteburu polit bati agur esan genion beste behin ere. Hau guztia atzean utzita ere, jaiak gainean ditugu eta Txantxikun lanean gaude!!!
Hurrengorarte, iku iku Txantxiku!!!

Bertso- bazkari batekin amaituko da Aferak larunbatean!

Aferez inguraturik gaude, aferek mugitzen dute mundua eta aferek osatzen dituzte gure eguneroko kezkak. Badaude aferen inguruan asko jakin baina isiltzea nahiago dutenak eta badaude ere aferetaz inoiz ez hausnartu arren berba eta berba egiten dutenak. Edonon entzuten dugu aferek bere joanean utzitako doinua, etxeetako eskatze txikienetatik telebistako plato handienetara. Eta hori baino ez diegu eskatuko irailetik aurrera Deustuko Herrikoan abestuko duten bertsolari gazteei, ez diezaietela ihes egin mahaigainean jarriko ditugun aferei, horren gutxi eta horren beste. Hau horrela, has dadila festa, aferaz afera jar dezagun gaia.

Aferak- Amuriza- Gaztelumendi

 Larunbatean, otsailak 24, bertso bazkari batekin amaiera emango zaio gure inguruan berritzailea izan den kultur jarduera honi.
Animatu!!!

Gometxatarren hurrengo abentura parte hartu nahi?

Gometxatarrek laster abiatuko dute abentura berria. Martxoaren 9an ekingo diote bidaia berriari eta bidaide bila dabiltza. Hiru abentura berri biziko dituzte udaberrian: Etxerik gabeko barraskiloa, Ilargia betetzen denean eta Bat, bi, hiru!

Gometxa- udaberria

Saioak astelehenetan 18:00etan izango dira Müllerenean. Zuen umeen izenak emateko guri idatzi, berbaizu@euskalnet.net, ala deitu, 94 447 10 42.

Martxoaren 1ean 19:00etan: Euskal Musika Ezagutzen Gazte Lokalean!

Martxoaren 1ean 19:00etan euskal musikaren historian barrena ibiliko gara Deustuko Gazte Lokalean. Ibilbide musikatua izango da eta 60. hamarkadatik hona egon diren ‘hitak’ oinarri izango ditu, zein bere testuinguruan kokatuta. Esaterako, kanta puxka hau:

eta beste hau:

Gure setlist osoa entzun nahi baduzue, erdu martxoaren 1ean Gazte Lokalera! Zuen eztarrien zain izango gara!

Euskal Musika Ezagutzen Gazte Lokalean- umoretsu 2 copia

Nebbian Müllerenean (argazkiak, bideoak…)

Otsailaren 2an Gernikako Nebbian taldeak kontzertua eman zuen Müllerenean, Laboaren Aztarnak ekimenaren barruan. Donostiako abeslariaren bertsioak egin zituen Valentina Ridolfik eta Aritz Laboak osatutako taldeak. Euskaraz abesteaz gain, gaztelinaz, italieraz, ingelesez eta frantsesez ere kantatu zuten.

‘Ahots goxo bat kitarra on bat lagunduta’. Halaxe laburbildu daiteke kontzertua, izan ere, hain goxo egon ginen euren kantak entzuten ze bi ‘bis’ eskatu genizkion taldeari. Lastima hirugarrena eskatu ez izana…

Nebbian Müllerenean