Igandean 50 txantxikukide inguru bildu ginen hamaika ekintza eta emozioz betetako ikasturte hau behar bezala agurtzeko. Goizeko 10:00etan bildu ginen ikastola parean Otxandiora eramango gintuen busaren zain. Bihurgunez betetako ordubeteko bidaiaren ostean erdi zorabiatuta jaitsi ginen busetik baina aurrean genuen abentura parkea ikustean gaitz guztiak desagertu zitzaizkugun. Goiz osoa eman genuen zuhaitzetatik zintzlik zirkuitu ezberdinak egiten eta era berean, gure bertigoa gainditzen. Eragozpen bakarra beroari aurre egiteko iturririk ez egotea izan zen, beste guztiagatik esan dezakegu euskeraz egun paregabeaz gozatzeko aukera izan genuela.

Bukatzeko, gogorarazi nahi dizuegu igandekoa ikasturte amaierako jaia bazen ere, oraindik udalekuak ditugula aurretik, non 11 egun igaroko ditugun Euskal Herriko txoko ezberdinak ezagutzen!

Iku, iku, iku Txantxiku!

PD: Argazki guztiak sakatu hemen

Urteurrenean kamiseta tailerrak izandako arrakasta dela-eta, udako solstizioa aprobetxatuko dugu bigarren kamiseta tailer bat antolatzeko. Ekainaren 23an arrastian (18:00etatik 20:00ak arte) egingo dugu Berriz Biderako plazan eta Aitor Urkijo “Boti”k eta Bonik berriz gidatuko dute.

Animatu eta erosi zure kamiseta!