Korear sukaldaritza tailerra

Urteero lez, sukaldaritza tailerra antolatuko dugu, baina aurten eguneroko sukaldaritzari atsedena eman eta atzerriko sukaldaritzak haren lekukoa hartuko du, Sora Ryu irakasle korearraren eskutik. Tailerrak hiru klase izango ditu eta Koreako platerrak prestatzen erakutsiko du Ryuk, klase bukaeran dastatuko direnak. Urriaren 14ean, azaroaren 11an eta abenduaren 9an izango dute zita Zanpa-Zanpara hurbilduko direnek, 19:00etatik 21:00ak arte. Berbaizukideak 28€ eta ez-berbaizukideak 33€ ordainduko dituzte. Leku mugatuak daude eta 7 pertsonek izena eman dezakete, beraz, zeren zai zaude?

Izena emateko, informaziorako edo edozertarako 94 447 10 42 telefonora deitu edo berbaizu@euskalnet.net helbidera idatzi. On egin!

Korear Sukaldaritza tailerra

Urrian, Autodefentsa ikastaroa Mullerenean

Xabier Pajares borroka-arteetako irakaslearen eskutik, Autodefentsa Ikastaroa antolatuko dugu Mullerenean urriaren 15etik azaroaren 12ra. Bost ostegunez izango dute hitzordua izena emango dutenak. Klaseak 18:00etan hasiko dira eta 2 ordu iraungo dituzte. Arropa normalez jantzita joan badaiteke ere, arropa erosoa eramatzea gomendatzen dugu.

Berbaizuko bazkideak 25€tan du izena ematea eta gainontzekoek 30€ ordainduko dituzte.

Izena emateko 94 447 10 42 telefonora deitu edo berbaizu@euskalnet.net helbidera idatzi.

Aurki, kartela diseinatu eta zabalduko dugu.

Punch tigre2

Gaur hasiko da Kantugintza taldea

Gaur 19:30ean bilduko da Bidarten euskal kantak gozatzea helburuaz. Urtean zehar hainbat kantu-jiretan parte hartzen dute. Iaz, adibidez, Deustuan eta Arangoitin ibili ziren kanta eta kanta. Era berean, Kantugintza Taldeak ez du huts egiten Santa Ageda bezperan eta Deustuan barna eramaten dituzte ohiko euskal doinuak.

Izena eman nahi baduzu 94 447 10 42 telefonora deitu edo berbaizu@euskalnet.net helbidera idatzi.

ANIMATU ZAITEZ!!!!

Kantu jira