Ezinezko Mundua

Bazen behin mundu karratu bat non izaki guztiak karratu bat ziren. Baina egun batean karratu bat diagonalki moztu zuten lapurtzeagatik eta horrela sortu zen lehenengo hirukia. Hau beste karratu batekin ezkondu zen eta hiruki bat izan zuten Ekilatero deitua. Denbora pasa ahala gurasoek semeari esan zioten zergatik zen bere aita triangelua eta horren ostean Ekilatero hasi zen beste karratuak gorrotatzen eta plan bat egiten egun batean inbasio bat egiteko. Ekilaterok bazekien bera eta bere aita bakarrik zirela triangeluak eta bere armada sortzeko asko ikasi behar izan zuen. Baina bi urte pasata bere armada zeukan, erasotzeko prestatuta zegoen eta inbasioari ekin zion. Bi aldeak oso gogor ari ziren, denak erditik mozten zituzten, baina karratu batek triangelu bat mozten zuenean bi hiruki bihurtzen zen. Baina Ekilaterok lehenbailehen amaitu nahi zuen eta lehergailu nuklear bat bota zuen eta karratu asko nahiz hiruki asko borobil bihurtu ziren, eta mundua ere. Gaur egun guztiak ondo bizitzen dira: karratuak, borobilak eta triangeluak, gainera gero eta politagoak sortzen ari dira.

Begira, pentagono bat!!!

Oier San Roman. San Inazio BHI. Mikroipuin Lehiaketako Ipuin Irabazlea.

Partekatu

DANTZA AFRIKARRAK ETA MALIKO DOGON HERRIALDERA SUSTENGUA

Orain dela 4 urte Dantza Afrikarren Ikastaroa antolatu genuenean, ikasleen matrikulekin jasotako dirua Ghanako Sunyani herrira bidali genuen irakaslearen eskariz. Bertan, Tobogan berria eta bertako bi Emakume Elkartek sentiberatze tailerrak burutu ahal izan zituzten Berbaizutik bidalitako sosekin. Bertan ateratako argazki batzuk bueltan helarazi zizkiguten esker onez, atxikitutako estekan ikus daitekeenez.

Aurten urtarriletik hasita eta urtarrilera arte hiru Dantza Afrikar Ikastaro antolatu ditugu Ainhoa Unzalu dantzariaren gidaritzapean eta Adama Guindo musikari griota burkinabearen (Burkina Fassoko jatorrizkoak) zuzeneko parte hartze luxuzkoarekin. Guztira hiru ikastaroen artean 25 bat lagun aritu dira dantza afrikarrekin jo eta su, eta etorkizun ezinhobea opa diogu gure artean errotzen ari den zaletasun honi.

Hemen San Inazioko Merkatuan egindako hirugarren ikastaroko argazki sorta osoa ikusgai.

Bada lehen ikastaroko matrikuletako errekaudazio osoa Maliko Dogon Herrialdera bidali dugu oraingoan. Gaur egun hain egoera korapilatsua bizi duen Malira hain zuzen. Bertan CC ONG izeneko erakunde katalanak hainbat proiektu eramaten ditu aurrera, tartean haurren hezkuntza eta alfabetatzea, emakumeen eskubideen aldeko lana zein tokiko nekazaritza hobetzeko egitasmo ezberdinak.

Dantza Afrikarren Ikastaroaren bidez bildutako diru emaitza hara heldu denaren erakusle, Hombori eta Douen izeneko herrietatik hemen eskegi ditugunak bezalako argazki batzuk bidali dizkigute esker onez. Kolorez eta irrifarrez betetako argazkiak sinez. Ederrak benetan.

Ea datorren urtean aurtengo Dantza Afrikar ikastaroei segida ematen diegun eta euskaraz gorputzak erritmoz mugitu eta Adama Guindoren musikaz lagunduta dantzak ikasi eta gozatzeaz gain, Ghana, Mali zein beste herrialde afrikarren batean argazkietakoak bezalako lagun maitagarriak zuzenean sustengatzen ditugun!!

Txantxiku Urnietara

Astelehenetik hasita, 50 Txantxikutar Urnietan daude Udaleku ederra eta animatua pasatzen. Uztailaren 28rarte handik ibiliko dira gure Txantxikukume eta begiraleak era guztietako irteera, jolas, gaubela, ibilaldi, uretara jauzi, alferkeri zein eta tailerrekin topera gozatzen. Badakigu hondartzara joango direla, harrespila eta trikuharri buelta egingo dutela, Adarra mendiraren azpian ibiliko direla.. baina gehiago nahi dugunez, bueltan zuen abenturen berri jakin nahi dugu!!

Iku, Iku, Iku, Ondo ibili Txantxiku!!

http://www.flickr.com/photos/44134674@N07/7125791453/in/set-72157629563041822

SOLDADU HUTSA

Edaten dut izorratu nautelako eta berriz izorratuko nautelako. Seguru nago bihar pasatuko zaidana, gaurkoa baino txarragoa izango dela, gaur hiltzen ez banaute behintzat. Sasitzaren kontra borrokatzen dut, etsaia ez baitut inoiz ikusi. Izatez uste dut, dudan etsai nagusiena guda nazkagarri honetara bidali nauena dela. Ez dut borrokatzen nire estatuagatik, ezta nire ikurrinagatik, ezta nire aberri madarikatuagatik. Lokatz gainean arrastaka dudan kideagatik borrokatzen dut. Erretzen dut, tabakoak hiltzen duela dioen oharra oso zentzugabea delako horrelako leku batean. Ke izara bat egiten dut nire begi gorrituen aurrean. Gorrituak, edozein oihaneko sute batek eraginda. Galtzak bustita daude eta ez dut muda gehiagorik. Hilda dagoen gizona naiz. Whisky txorrotada bat botatzen dut nire eztarrian. Nire pentsamenduak ito nahi ditut, baina burmuina eta sabela egon behar ez diren lekuetan daude.

Xabier Perez. Ibarrekolanda BHI. 2.012ko Mikroipuin Lehiaketako Ipuin Irabazlea.

ORDENAGAILUKO BIRUSA

Bazen behin, egun euritsu batean, Gorka izeneko ume bat bere amonaren etxean zegoena. Amonaren etxean ordegailu zahar bat zegoen eta barruan birus bat zeukan.

Gorkak sustoa hartu zuen, ordenagailuak soinu arraro bat ateratzen zuelako eta interneta desagertu egin zen. Gorka amonarengana korriketan joan zen abisatzera, baina lotan zegoen. Orduan, bere lagun-minari deitu zion, Pablo izenekoa, ordenagailuz asko zekiena. Bat-batean, ordenagailua blokeatu egin zen, eta beraren barruan sartu ziren bi lagunak. Oso leku deserosoa zen. Orduak eta orduak pasatu zituzten ordenagailu barruan.

Geroago, amona esnatu zen, loreak ureztatu behar zituen. Orduan, alfonbrarekin estropezu egin zuen eta ureztontzia ordenagailura erori zen. Bat-batean kortozirkuito bat gertatu zen, eta umeak inpresoratik atera ziren. Tintaz beteta zeuden!

Iñigo Azpiritxaga, Peio Moreno eta Borja Montaño. Intxixu Ikastola. 2.012ko Mikroipuin Lehiaketako Ipuin Irabazlea.