Bonus track: “Hemen euskaraz hemen berbaizu” pegata dutenen zerrenda

Urteak dira Berbaizu Euskara Elkarteak “Hemen euskaraz hemen berbaizu” pegatina euskaraz hartzen duten saltokiei banatzen diela eta aprobetxatu dugu saltokien zerrenda argitaratzeko. Momentuz Deustualdeko 38 saltokik pegata jarri dute baina ziur gaude aurrerantzean gero eta gehiago izango direla.

Hemen euskaraz hemen berbaizu

FARMAZIAK:

  • SALAN PUEBLA FARMAZIA: Agirre Lehendakaria etorbidea 30
  • LINAZA PEÑA FARMAZIA: Heliodoro de la Torre 19
  • OBIETA FARMAZIA: Julio Urkijo 10
  • PATXI MENOYO FARMAZIA: Egileor kalea 3

TABERNAK:

  • BORDATXO JATETXEA: Ramón y Cajal 24
  • LA LOGIA: Ramón y Cajal 22
  • IZEKI taberna: Ramón y Cajal 26
  • DEUSTUKO HERRIKO TABERNA: Ramón y Cajal 29
  • LA PARRA TABERNA: Ramón y Cajal 32
  • ATXURI: Luzarra 1
  • BAIONA: Luzarra kalea 6
  • LA TERRAZA TABERNA: Deustuko Zubia 1
  • MAITAGARRI TABERNA: Luis Power kalea 14
  • ITSASBIDE: Rafaela Ybarra kalea 11
  • BIDEGORRI: Plácido Careaga plaza 1
  • OSKARBI: Madariaga etorbidea 31
  • LA TORTILLA: Blas de Otero 43
  • ARANEKO TABERNA: Araneko kalea 18
  • KAROLA: Ganekogorta Mendia kalea 12
  • CAFETERÍA EGIPTO: Heliodoro de la Torre kalea 7
  • ERRIBERA TABERNA: Deustuibarra kalea 43

JANARI DENDAK:

  • CHARCUTERÍA MARTÍN: Egileor kalea 5
  • REMEN OKINDEGIA
  • MARIBIREN TXUTXE-DENDA: Mediterraneo Itsasoa

LIBURUDENDAK, PAPERDENDAK ETA KIOSKOAK:

  • DEUSTUKO LIBURUDENDA: Done Petri plaza 4
  • EUROHIZKUNTZAK: Done Petri plaza 4
  • LOPATEGI ARRIETA, MI Kioskoa: Aguirre Lehendakaria 27
  • LANKOR: Aguirre Lehendakaria 18

ARROPADENDAK:

  • ESKEGI: Madariaga etorbidea 10
  • KAIOA ARROPADENDA: Heliodoro de la Torre kalea 2

LOTERIA ETA ESTANKOAK:

  • ADMINISTRACIÓN Nº19 DE BILBAO: Agirre Lehendakaria etorbidea 19
  • ESTANCO MADARIAGA: Madariaga etorbidea 27

ATERPETXEAK:

  • AKELARRE ATERPETXEA: Morgan kalea 4-6

ElKARTEAK:

  • ARTEBI: Jon Arrospide 14
  • DEUSTUKO MENDITARRAK: Iruñea kalea 3

BESTELAKOAK:

  •  SABIN ERLOJUDENDA: Rafaela Ybarra 6
  • NEUMÁTICOS DEUSTO: Blas de Otero 41
  • LIMPIEZA DE ALFOMBRAS FLOR: Julio Urkijo kalea 3

PD: OPOR ONAK PASA!!!!

Partekatu

Oporretan goaz eta 5 literatur- gomendio ematen dizkizuegu

Uztailarekin batera gu ere bagoaz eta Argia aldizkariak bezala gomendioak ematen dizkizuegu abuztua liburuz inguratuta pasa dezazuela. Hona 5, baina beste 5 izan litezke:

Beti Oporretan (Susa, 2015): Harkaitz Canok narrazio liburu hau idatzi du oporraldiak hizpide dituena eta oporren hainbat bertsio kontatzen ditu idazle lasartearrak. Gogoratu Cano gurekin egongo dela urriak 5 Bidarten.

Far Westeko Euskal Herria (Pamiela 2009): John Wayne, Lee Van Cleef, Clint Eastwood, Lee Marvin… Aurpegi asko lotzen ditugu Far Westekin baina inor gutxi euskalduna da. Asun Garikanok Far West altxatzen lagundu zuten euskaldunen testigantzak bildu ditu eta liburu hau osatu du. Guztiz gomendagarria arrastiero ETB2 ikusten dutenentzat.

Itzulera baten historia (Elkarlanean 1990): Erbestea berbagai du Martin Ugaldek, Gerra Zibila galdu ostean Venezuelara erbesteratu zen familia baten seme-alaben Euskal Herriratzea hain zuzen. Topikoetatik urrun dagoen kontakizuna egin zuen Ugaldek, xehe-xehe idatzia.

Belarra Kantari (ITZUL. Elkar, 2007): Koro Navarrok Doris Lessingen The Grass is singing (1950) euskaratu du. Rodhesia kolonialean girotua, egun Zimbawe deitzen duguna, arrazekeriari, kolonialismoari eta kapitalismoari kritika zorrotza darion eleberri aparta, emakume apartak idatzia, zeinak urte berean Literatur Nobel Saria jaso zuen.

Hnuy illa nyha majah Yahoo (Elkar 1995): “Ondo ibili gizontxo” esan zion Gulliverri despedidan Houyhnhms batek eta esaldiaz baliatu zen Joseba Sarrionandia poesia liburu aparta honi izena emateko. Liburu borobila idatzi zuen iurretarrak, barrenak astintzen eta hunkitzen dituenekoa, eta bere hainbat poema oso ezagunak dira: Martin Larralde, Mundua begiratzeko lehioak edo Aspaldian utzitako zelda. Benetan liburu zoragarria, Sarriren esku apalek osatua.

Eta ene izterreraino inguratu den karramarroa
Bihar
Beste inorengana ailegatuko da
Zangozabal eta haztamuka

Eta berreala aldenduko da, oraintxe
Ihesean aldentzen den bezela

Eta ez dut enekin eramanen ez eguzkia
Ez trena, ez karramarroa

Neu bakarrik eroriko naiz zulora eta egundoko
Egunik bakartiena izango da

 

Erribera tabernak jaso zuen VII Errekaurti Saria

Aurten VII. Errekaurti Saria eman diogu Erribera Tabernari. Sariak euskara bultzatzen duten saltokiak saritzen du. Hauxe da Erriberan banatu dugun lehen saria eta bertoko jaien bigarren egunean eman genuen. Errekaurtirekin batera “Hemen euskaraz hemen Berbaizu” pegatina eman genion. Pegatina atean, bezeroak jakingo du tabernan euskaraz ere eska dezakeela. Laister saltoki guztien zerrenda aterako dugu.

Zorionak Erribera Taberna!!!

Errekaurti Saria 2016

Errekaurti Saria jaso duten saltokiak:

2015: Karola taberna

2014: Salan farmazia

2013: Deustuko liburudenda

2010: Remen okindegia 

2009: Sabin bitxidenda-erlojudenda

2008: Bordatxo jatetxea

Berbaizukideok EHZ festibalean disfrutatzen!

Asteburu hontan Berbaizukide talde bat Euskal Herria Zuzenean Festibalean egon ginen. Hiru egon eman genituen Lekornen, paraje paregabean, oso jende gutxik esan dezake festibal batean egon dela gaztelu batean.

Berbaizukideok EHZan

Euskal Herria Zuzenean festibala berezia ere bada. Bizi! taldeak bultzatua, sponsorrik gabeko festibala da, bakanetakoa Europan. Egunean zehar tailerrak daude eta txosnetan bertoko produktuak saltzen dituzte. Bideo hontan hobeto azaltzen dute:

Hiru egunotan hainbat kontzertu on ikusi eta pasadizo bitxi bizi izan genituen eta, laburbiltzearren, ederto pasa genuen. Ziur gaude datorren urtean bueltatuko garela. Iparralde eta Euskal Herria euskaraz ezagutzeko beste era bat da. Berbaizu EHZan

Javier Idirinen grabatuak salgai

Javier Idirin arkitektua da eta marraztea beti izan du gustuko. Egun, biak aldi berean egiten ditu: ogibidez arkitektua eta afizioz marrazkilaria baita.

Berriki ANTI liburudendan erakusketa bat egin du Idirinek, Hiriak izenekoa eta grabatu hauek honen ildokoak dira.

Berbaizuri bi eskaini dizkio: “Edinburgh” eta “Buiak” eta bakoitza 30€tan salgai jarriko dugu.

Buiak- Javier IdirinEdinburgh- Javier Idirin

Berbaizu Euskara Elkarteak bere esker ona adierazi nahi dio Javiri. Eskerrik asko!

Oilaskoa jaten bukatu genuen urtea

Asteazkenean 2015-2016 ikasturtea bukatu genuen Gabiñan oilaskoa jaten. Iaz lez, talde-argazki bat egitea ahaztu zitzagun baina patata gehiago eskatu genuen. Ikasturte ona bukatu berri da, non ohiko jarduerez gain (Berbalaguna, Txokoak…) beste jarduera berri batzuk bultzatu ditugun (Autodefentsa tailerra, Hiria, Sormena eta Euskara zikloa…).

Era berean, ikasturte hontan Mullerenea berritu dugu, Nerea gurekin izan dugu eta Udalarekin proiektu bat abiatu dugu, zeinak Deustualdeko eskoletako ikasleek euskara asko eta askotan erabiltzea xede duen.

Gaurtik aurrera uda dator eta uztailean 2015-2016eko azken ikutuak eman eta hurrengo ikasturtera begira jarriko gara, Berbaizu eta Dariolaren mende laurdena ospatu dugun ikasturtea.

Uda ona pasa! Irailean ikusiko dugu elkar!

DSC_0579

Txantxikuak Gorlizen!

Eguraldi kaskarrarekin esnatu ginen Deustualdeko txantxikukideok. Irteerari goibel samar ekin bagenion ere, azkenean egun paregabeaz gozatu genuen Gorlizen. Goizean goiz bildu ginen Iruña kaleko metro geltokian. Behin Gorlizen, Troka abentura gunera hurbildu ginen eta zenbait ekintza burutu genituen, hondartzan piraguetan ibili edota hainbat jolasez beteriko ginkana bat egin.

Txantxikuak Gorlizen!Goizeko ekintzak atzean utzita, hondartzara joan ginen. Bertan bazkaldu eta hango lasaitasunaz gozatu genuen. Noski, txonbitoa ez zen falta izan, kroketarena egin genuen eta guzti! Egun zoragarria igaro eta gero, Deustura bueltatzeko unea heldu zen. Primeran pasatu genuen arren erre- erreta bukatu genuen gutako askok. Benetan espero baino egun politagoa pasa genuenaren seinale. Orain hurrengo topaketarako motorrak berotzen hasiak gara; udalekuak heltzear daude! GORA TXANTXIKU! Txantxikuak Gorlizen!